Þessa setningu lét hann JGJ falla í setningafræðitíma í dag. Mér fannst hún svo súr og fyndin eitthvað að ég ákvað að leggja hana á minnið. Umræðan snérist sumsé um það hvort sögnin "að eiga" virki eins og sögnin "að deyja" JGJ vildi meina að sögnin "að deyja" væri eitthvað sem gerist allt í einu á einu andartaki en "eiga" ekki. JGJ var orðinn svolítið leiður á því að fólk væri að snúa út úr með því að segja að maður gæti skyndilega hætt að eiga hund ef hann tæki upp á því að deyja og lét þá þessi orð falla.

Það koma oft svona setningar í tímum sem hljóma avlveg hrikalega absúrd ef þær eru teknar úr samhengi. Eins og þegar Ármann Jakobs sagði í miðaldarbókmenntum eftir umræðu um fræðigreinina homosexuality and the rape of males in the Icelandic sagas "Það var brot á eignarrétti að stunda kynferðismök með annars manns kind" Hohoho. Súrt!

Við Ásta fengum okkur hádegismat í Hámu í dag. Þar var allt stappað af fólki svo við byrjuðum á því að næla okkur í laust borð, taka það frá með úlpunum okkar og fórum síðan að kaupa sveppasúpu/graut. Þegar við komum til baka höfðum við fengið nýjan sessunaut. Þá hafði einn af bókhlöðudraugunum, mönnunum sem eru alltaf á bókhlöðunni, sest í stólinn við hliðina á mínum. Ég tyllti mér með sveppasúpuna/grautinn/maukið en Ásta fór aftur inn í Hámu að vesenast eitthvað. Það var því dágóður tími þar sem ég sat ein alveg við hliðina á bókhlöðudraugnum. Hann búinn að festa servíettu í hálsmálið svo að kjötbollu- og sósuát færi snyrtilega fram, ég að smyrja brauðið með sveppasúpu/sósunni minni. Það voru alveg nokkrir sem ég kannast við sem gutu augunum í áttina til nýja félaga míns þegar þeir heilsuðu mér.

Mikið hrikalega rosalega svakalega taka þessi fornamálsverkefni langan tíma! Er þetta eitthvað grín?

Haustferðin var svakaleg. Hellingsmargt gerðist.



Síðan var ég víst klukkuð í einhverskonar bloggleik og ég lofaði að sinna því

Fjögur störf sem ég hef unnið um ævina:
-Blaðburðarstelpa í allt of mörg ár (ekki lengur samt)
-Olísafgreiðari
-Sjálfboðavinna á elliheimili í Costa Rica
-Rannsóknarmaður í Árnagarði.

Fjórar bíómyndir sem ég held upp á:
-Crash
-Snatch
-Fuksvansen (svooooo fyndin, allir að sjá hana ef þeir hafa ekki!!)
-Sódóma (maður gerir ekki neitt fyrir neinn sem gerir ekki neitt fyrir neinn)

Fjórir staðir sem ég hef búið á:
-Blómvallagötu
-Nýlendugötu
-Reynimel (soldið mikill Vesturbæingur)
-Alajuela í Costa Rica

Fjórir sjónvarpsþættir sem mér líkar:
-How I met your mother
-Friends
-Arrested Development
-Little Britain

Fjórir staðir sem ég hef heimsótt í fríum:
vó... soldið erfitt að velja svo þetta verður gróf upptalning
-Costa Rica uppáhalds uppáhaldið
-America del Sur (mesta ævintýrið)
-Ástralía og Nýja-Sjálan (svooo mikið gaman)
-Suðaustur-Asía, (Thailand var best )

Fjórar síður sem ég skoða daglega fyrir utan blogg:
-Uglan
-Gmail
-Facebook
-Mbl

Fernt matarkyns sem ég held upp á:
-Kjúklingur með bernaise er uppáhalds
-Skyr, jarðaber og banani hrist saman nammnammnamm (Gyða eiginhagsmunaseggur gaf mömmu sinni blandara í afmælisgjöf )
-Kjallarabolla með hangikjöti og kókómalt
-Draumur og annað lakkrísnammi (er það matur?)

Fjórar bækur sem ég les oft:
-Hef lesið ísfólkið allt of oft
-Harry Potter líka
-Síðan les ég múmínálfana svona 17 sinnum á dag þegar Kolla litla systurdóttir er í heimsókn
-Humm... ég les mikið en ekki sömu bækurnar aftur og aftur!

Fjórir staðir sem ég vildi helst vera á núna:
-Manuel Antonio (með fallegri stöðum í heimi, prufið bara að gúggla) með ískaldan drykk á ströndinni að kjafta við fólk og fylgjast með öpunum og öldunum.
-Trysil í Norge á skíðum
-Í kósý í sófanum mínum með góða bók og stjörnupopp
-Á bókhlöðunni að gera fornamálsverkefni (Gyða slugsi) og þangað ætla ég að fara núna!

Sko... ég veit ekkert hvern ég á að klukka, má ekki sleppa því bara?
Farin á bókhlöðuna...

Varúð! Þessi færsla inniheldur stóran skammt af nöldri og almennum pirringi!

Klukkan er ekki búin að vera mér hliðholl í dag. Ég byrjaði á því að vakna kl. 05.00 í morgun (nótt) þar sem ég var að fara að leysa af í Baðhúsinu í  morgun. Ég var einhvernvegin með það í hausnum að það opnaði kl. 06.00 þannig að ég var mætt þangað hálfsex og dreif mig að gera allt klárt. Síðan klukkan korter í sex ætlaði ég að opna húsið og hleypa konunum inn svona svo þær hefðu tíma til að klæða sig áður en tímarnir þeirra byrjuðu kl. 06. Það var engin kona mætt. Hmm... hugsaði ég, hætti við að opna, fann stundatöflu og komst að því að Baðhúsið opnar ekki fyrr en 06.30. Frábært!! Hugsaði ég, eins gott að ég flýtti mér Ekkert við því að gera! Ég gerði bara tilbúið fyrir næsta kaffiuppáhelling og henti í vél og þurrkara og svona. Klukkan 06.10, 20 mín áður en húsið á að opna, fór ég síðan aftur og opnaði. Þá var einn þjálfarinn mættur og lét mig heldur betur heyra það! Hvað ég væri nú að spá að opna svona seint, hún væri búin að húka þarna úti heillengi, hin stelpan opnaði sko alltaf fyrir henni klukkan 6! hvort ég hefði bara verið að mæta í vinnuna!! Freeeeekar pirrandi að heyra þetta þar sem ég var mætt svo snemma og húsið átti hvort eð er ekki að opna fyrr en eftir 20 mín. Síðan settist þessi tiltekni þjálfari niður í móttökuna og fór að skoða tölvupóstinn sinn og drekka kaffi. Greyið hún að fá bara 20 mínútur í tölvunni þennan morgun.

Á fimmtudögum á ég að mæta í skólann kl. 08.20. Þessvegna bað ég stelpuna á dagvaktinni um að koma kl. 8 í staðinn fyrir 9 svo ég gæti mætt í skólann. Hún svaf yfir sig og kom ekki fyrr en 20 mínútur yfir... Þannig varð ég 20 mínútum of sein í tíma. Eftir hrikalega líflegan bókmenntatíma bauð ég Díönu og Kristínu að koma heim til mín að drepa tímann því við áttum ekki að vera mættar aftur fyrr en 13.20. Klukkan svona 10 mínútur í eitt (að ég hélt) jæjaði ég okkur út og af stað í skólann. Það var ekki fyrr en við vorum komnar inn í Árnagarð og ég ætlaði að æða í tíma að Díana sagði "Bíddu... áttu ekki að mæta bara 13.20?" "uuu... jú" "já klukkan er sko bara 12" sagði Kristín þá! What?? hahaha! og þær sögðu ekki neitt alla leiðina, héldu bara að ég vildi vera svona ógeðslega tímanlega, alveg klukkutíma fyrr! Haha

Nú er klukkan semsagt 12.20 og ég drep tímann með því að blogga. Það fer greinilega ekki vel í mig að taka daginn svona snemma, ég ógó þreytt og skil ekki að klukkan geti virkilega verið bara 12! Tuðituðituð! Meira hvað ég get kvartað, best að hætta þessu!

Blellí beibís, have a good one!