Loksins... Mér finnst ég ekki hafa sest niður í 2 vikur! Ég náði ekki einu sinni að skrifa um síðustu helgi, og nú er þessi helgi búin!! Ég ætla þá allavega að skrifa um hana!

Eftir skóla á föstudaginn rann upp langþráð stund. Við í fimmtubekkjarráði töldum atkvæði og þar með var ákveðið hvert skyldi halda með hópinn í sumar! Ferðinni er semsagt heitið til Portúgal en það var ansi mjótt á munum því það munaði bara 4 atkvæðum á Portúgal og Benidorm á Spáni.  Eftir þessa afar stressandi talningu var rólegt kvöld framundan. Ég bakaði pizzu með mömmu og við horfðum á Idol. Mikið rosalega er ég fegin að hún datt út hún Margrét Lára. Ómígod hvað mér fannst hún eitthvað pirrandi og sjálfumglöð!! Ég er líka mjög sátt með það að hún Ylfa þurfti ekki að fara út á gólf eins og í öllum hinum þáttunum!! Ég er hinsvegar ekki sátt með það að hún Brynja litla þurfti ekki einu sinni að standa upp úr sófanum þrátt fyrir hryllilega frammistöðu! En nóg um Idol!! Eftir keppnina hættum við Nonni við að fara á bjórkvöld í lögreglusalnum og leigðum okkur spólu... vægast sagt ruglaða mynd sem heitir Boys don't cry og er um karlmann sem er fastur í kvenmannslíkama.

Gærkvöldið var öllu skrautlegra. Hann Siggi vinur minn bauð mér nefninlega 10 boðsmiða í eitthvað svakalegt partý á Brodway. Þar sem enginn af mínum vinum komst lét ég Nonna bara bjóða strákunum. Við hittumst heima hjá Jónsa þar sem var spilað og drukkið. Ég stóð mig afburðarvel sem spyrill í Popppunkti og Nonni stóð sig ekki síður vel þar sem hann vann spilið Síðan var haldið á Broadway. Sjitt.... Það er það eina sem ég get sagt....! Þarna var brjáluð hnakka-rapptónlist og fólkið á staðnum í stíl við það! Strákarnir sem ég kom með skáru sig alveg úr vegna þess að flestir strákarnir á svæðinu voru í stuttbuxum og hettupeysu!!?!! Uppi á sviði var síðan einhver mega-rapphljómsveit. Þar fannst mér tveir bera af!! Annar þeirra var klæddur í skothelt vesti og hélt á byssu og rappaði eins og mófó! Hinn gerði voða lítið nema labba fram og til baka um sviðið og öðru hverju sagði hann "jó jó" í mækinn. Hann var samt svolítið spes vegna þess að hann var klæddur í appelsínugulan samfesting. Ég varð síðan vitni af því þegar hann renndi niður og sýndi stelpunum á svæðinu tattúin sín.... Öss! Magnað helvíti!! Það endaði með því að Nonni, Haukur og ég yfirgáfum svæðið. Lóa kærastan hans Hauks var síðan svo sæt að koma og sækja okkur...! Við komum svo við á bensínstöð þar sem ég gat sýnt hæfileika mína sem bensínafgreiðslukona Lóa skutlaði mér og Nonna heim til pabba. Pabbi var ekki enn farinn að sofa svo ég dró fram vöfflujárnið og snaraði fram nokkrum ilmandi fyrir Nonna og pabba Það er nefninlega skemmtilegt að segja frá því að amma hafði fyrr um daginn komið í heimsókn færandi hendi með vöfflujárn handa mér!!! Nú er hún búin að gefa mér saumavél og vöfflujárn og hún segist ætla að gefa mér straujárn næst! Hún ætlar svo sannarlega að gera úr mér góðan kvenkost!

Dagurinn í dag er svo búin að fara í lærdóm á þjóbó þangað til kl. 5 þegar lokaði. Jæja... Nú er þetta orðið svo langt að það nennir örugglega enginn að lesa þetta Í þessum tölvuðu (flott nýyrði hjá mér!) orðum er ég að setja inn myndirna frá söngkeppninni..... Þær koma semsagt innan nokkurra mínútna hérna til vinstri bæ í bili!

Blöbb! Vegna vinnualkóhólisma míns og málvísindaverkefna og annara verkefna hef ég ekki enn haft tíma til að skrifa um snilldarsöngvakeppni og helgina sem fór á eftir. Ég mun þó gera það bráðlega og þá líka setja inn myndir af söngkeppninni Blöbb þangað til! Gónótt

Í dag er miðvikudagur. Það þýðir að Extreme makeover er í kvöld... Jess! Mér finnst það svo sniðugir þættir! Fólk sem er alveg rosalega ljótt og er búið að líða fyrir  það alla sína ævi er tekið og lappað upp á það!

Þá er það orðið opinbert að Mexico er ekki lengur inn í myndinni sem útskriftarferðaráfangastaður (langt orð!) Við erum samt búin að fá nokkur ágæt tilboð og eigum von á fleirum. Eitt þessara tilboða finnst mér ágætast og hljóðar það upp á tveggja vikna ferð til Portúgal. Þar er hægt að troða öllum MR-ingum á eitt hótel og það þykir mér stóóór kostur. Þetta er líka bær sem hefur allt sem djammþyrstir unglingar leita að. Ég veit að ég hljóma eins og ferðaskrifstofuauglýsing en það er bara af því að ég var á ferðaskrifstofu í dag að skoða þessa ferð! Nú ætla ég að hætta að tala eins og auglýsing

Í dag fjárfesti ég í Latin-English, English-Latin orðabók. Það var ást við fyrstu sýn! Hún er gul og falleg og með svona handhægum uppflettigötum! Fullkomin! Hún mun koma sér vel í ólesinni þýðingu á föstudaginn

Nú erum við í 5. bekk í þann veginn að hefja rækjusölu. Þetta eru úrvals rækjur og hef ég hugsað mér að borga upp ferðina með þessum úrvalsrækjum. Ég mun setja inn girnilegar rækju-uppskriftir hingað á næstunni. Svona auglýsingaherferð

Jeij! á morgun er söngvakeppni! Svo á Garðar líka afmæli á morgun! Til hamingju með það!!!

Ég segi jeij því að ég hef ákveðið að segja veikindum mínum lokið hér með og stefni á það að fara í skólann á morgun! Ég vona að það bíði mín ekki próf eða eitthvað álíka hræðilegt því ég verð að viðurkenna að ég er ekki búin að læra neitt þessa viku í neinu nema smá latínu.

Í gærkvöldi kíkti ég aðeins á Ljónið þar sem var hina mesta partý stemning! Ég var hins vegar ekki í góðu partý formi og fór því snemma heim! Þá var ég orðin frekar sybbin og komin með hausverk Ég náði samt að taka fullt af myndum... Vúhú!! Afraksturinn er til sýnis hérna til vinstri.

Ég ætla að segja þessu lokið og fara að sofa, vona að ég hósti ekki mikið í nótt svo pabbi hleypi mér í skólann á morgun!! Gónótt

Horfðu ekki allir á Idol í gær!?!? Ég gerði það... Og ég verð að segja að þó að hún Nanna Kristín hafi alls ekki verið verst þá var ég frekar sátt við að hún hafi dottið út. Ég vil samt lýsa yfir stórhneykslan minni á því að hún Ylfa Lind hafi lent þarna á meðal þriggja neðstu!!! Hún er ógeðslega töff og með geðveika rödd og lagið sem hún söng í gær var æði! T.d. Var Lísbet alveg hryllilega leiðinleg og Brynja klúðraði þvílíkt. Manneskjan sem pirrar mig mest í þessari keppni þurfti þó ekki einu sinni að standa upp úr sófanum í gærkvöldi þó að ég voni að hún geri það bráðum! Það er hún Margrét Lára. Mikið ofsalega var þetta hallærislegt hjá henni! Og mér finnst hún líka bara svo sjálfumglöð og leiðinleg.... Strákarnir tveir voru afberandi bestir af hópnum og ég vona að Helgi vinni þessa keppni!! Þá er ég búin að tjá mig um Idolið í gær

Annað í sambandi við sjónvarp. Auglýsing sem birtist í öðruhverju auglýsingalhléi þessa dagana. Fyrst hélt ég að það væri verið að auglýsa dóp! Ég ætlaði sko beint í símann og kæra Ágústu Johnson! Það er semsagt maður sem situr í vinnunni og það er allt voðalega grátt í kringum hann. Vinnufélagar hans sitja bara og fikta í borðunum sínum og andvarpa. Þá dregur ofangreindur maður eitthvað upp úr skrifborðsskúffunni sinni og stingur upp í sig. Skyndilega birtir í kringum hann. Allir eru allt í einu í litríkum fötum og maðurinn verður voða glaður. Ég hélt náttúrulega bara að það væri verið að auglýsa spítt! Ens svo er ekki, það er bara verið að auglýsa hrökkbrauð.

Í kvöld er svakalegt skrall á rauða ljóninu, Hakur, Gunni Hó, og Einar Búi eru að halda sameiginlega upp á afmælið sitt. Mikið vildi ég að þeir hefðu allir fæðst mánuði seinna! Ég er nefninlega ennþá veik og kemst ekki eins og ég vildi! Ég hef samt hugsað mér að kíkja aðeins með fínu myndavélina mína  sem er að safna ryki, og tjékka á stemningunni. Ég verð samt að vera vel sofin fyrir morgundaginn því þá er eldheitur fundur með 5.bekkjarráði þar sem ég hef hugsað mér að vera upp á mitt besta!

Heyrumst síðar og þá vonandi með nokkrar skemmtilegar myndir  

Jæja... Nú munið þið dyggu lesendur mínir (sirka 5 talsins ekki satt?) Detta afturábak úr litlu svörtu skrifborðsstólunum ykkar! Mexíkóferðinni umtöluðu hefur nánast verið aflýst. Í dag frétti ég, ekki frá neinum úr fimmtubekkjarráði heldur Nonna, að endurkosningar yrðu haldnar og að ekki væri einu sinni víst að Mexico yrði hafður sem valmöguleiki. Miði með þessum upplýsingum gekk víst í bekknum hans í dag. Jahérna! Ég flýtti mér auðvitað strax og sendi félögum mínum í 5.bekkjarráði e-mail til að furða mig á þessum miskilningi sem hlyti að hafa átt sér stað. Því varla væru svona mikilvægar ákvarðanir innan ráðsins teknar án þess að fulltrúar allra bekkja væru viðstaddir, eða þeir hafði með í ráðum?? Ég fékk svar frá þeim innan skamms þar sem ég var ávörpuð sem karlmaður og fékk staðfest að þetta hefði bara víst átt sér stað. Ég hringdi þá í formann 5.bekkjarráðs sem staðfesti þetta allt saman. Ég spurði þá hvort að við værum líka búin að fá ný tilboð í útskriftarferð. Hann svaraði því játandi, við værum búin að fá tilboð til Tælands upp á 110.000 kr. Ég ætla ekki að vera með neinn skítamóral hérna, en ég hef allavega ekki samvisku í mér til að fara og djamma eins og aldrei fyrr í landi þar sem ríkir þjóðarsorg. Tæland fær ekki mitt atkvæði. Svo er ég líka búin að heyra að nemandi í 5. bekk, óháður 5.bekkjarráði, sé búin að fá tilboð um ferð til Tyrklands á 170.000

Allt í lagi. Endurkosningar eru kannski ein leið til að athuga púlsinn hjá fólki og hvort að það sé búið að skipta um skoðun varðandi val sitt. Þetta er samt stór ákvörðun þar sem 76% fimmtubekkinga kusu þessa Mexíkóferð á sínum tíma og hefði ég haldið að allir bekkjarráðsmenn ættu að hafa sitt að segja um hvort ætti að aflýsa umræddri ferð. Það voru meira að segja tveir bekkjarráðsmenn veikir heima í dag.

Kannski er ég bara svekkt yfir því að sitja ein veik heima. Kannski er ég bara svekkt yfir því að komast ekki til Mexikó. Kannski var þetta pínulítið leim hjá 5.bekkjarráði. Kannski er ég bara með óráði! 

Ég get ekki dæmt um það. Ég er enginn dómari. Ég hvet alla dómara til að commenta á þessa færslu og dæma um þetta mál. Að lokum vona ég að ég hafi ekki sært neinn með þessum orðum því það var ekki ætlunin!

Adios mexico!

Hér sit ég og horfi á lífsaugað með honum Þórhalli. Ég er með e-a ógeðslega flensu. Ég er komin með harðsperrur í magann af hósta og get varla hreyft mig af máttleysi... Ég er búin að vera að prjóna í gær og í fyrradag. Ég er að prjóna peysu! Svaka dugleg Ég er víst að missa af einhverri svakalegri dramatík í sambandi við útskriftarferðina! Sumir vilja víst hafa endurkosningar Ég segi nú bara fyrir mína parta að mér finnst ekki nógu góðar ástæður vera til staðar til að halda endurkosningar. Samt vil ég segja að sama hvert farið verður þá verður æðislega gaman!

Ég veit ekki hvort að það sé hitanum að kenna eða hvort að ég sé bara orðin snarrugluð en mig dreymdi skrýtin draum í nótt. Ég hafði reyndar ekki hugmynd um að mig væri að dreyma. Það var nefninlega þannig að ég var búin að vera svo lengi í rúminu að þegar ég loksins fór framúr þá var allt orðið breytt. Það átti engin bíla lengur heldur voru allir bara á svona skrýtnum hjólum sem voru rosalega stór. Þetta var rosalega skrýtið og ég kunni ekkert á þessi hjól. Þegar ég svo vaknaði í alvörunni ákvað ég að fara bara ekkert framúr til þess að þurfa ekki að læra á þessi hjól. Það endaði nú samt með því að ég fór framúr og komst að því mér til ánægju að göturnar úti voru fullar af venjulegum bílum

Vá hvað það fer í taugarnar á mér að hann Þórhallur kann ekki að beygja orðið 'dóttir' Er það ekki 'dóttir' um 'dóttur'? Ég hefði haldið það! Jæja, ég ætla að hætta þessu ruglumbulli... Bæbæ...

Sussubía! Nú hef ég lent í því sem ég hélt ekki og vonaði að ég myndi ekki lenda í! Mér var bjargað af björgunarsveit í fyrradag! Það byrjaði allt á matarboði heima hjá Önnu, systur mömmu. Hún á heima í Syðra-Langholti sem er rétt hjá flúðum. Þar var mikill og góður matur sem varð til þess að ég borðaði nánast á mig gat! Eftir matinn fórum við í Actionary, leikurinn var æsispennandi og hefðu brögð ekki verið í tafli hefðum við Valla (stóra systir mín) Rústað því! Klukkan 11 um kvöldið var planið að halda heim á leið. Afi gerði grín að því að ég færi bara út að ýta ef við festum okkur á leiðinni, ég var nefninlega í támjóum háhæluðum skóm.... Það var nú bara hlegið af þessu, enda leit veðrið ekki svo illa út! Síðan lögðum við af stað. Ferðin gekk ágætlega framan af. Við sáum alltaf tvær stikur áfram og sáum veginn. Síðan þegar við keyrðum kambana og heiðina þá versnaði það aðeins, við sáum bara eina stiku áfram og varla veginn. Það var samt fyrst þegar við vorum komin framhjá litlu kaffistofunni sem það fór að versna verulega! Við sáum núll stikur áfram og alls ekki veginn! Það var brjálað rok og mikill snjór, skaflarnir báðu meginn við veginn buðu upp á að festa sig í þeim! Þetta var orðið þannig að ég klessti andlitið upp að glugganum farþegamegin til að sjá hvað mamma mætti fara langt til hægri án þess að festa sig... mamma þurfti að svo að rýna út í myrkrið eftir næstu og næstu stiku... þetta var fáránlegt! Það vorðu þrír bílar fyrir aftan okkur sem treystu of mikið á okkur og eltu okkur inn í skafl... Þeir náðu þó að losa sig og keyrðu framúr okkur. Við náðum líka að losa okkur... En eitthvað höfum við  misreiknað okkur þegar við héldum áfram því við sáum enga stiku í langan tíma. Við vorum komin út í móa! Án þess að taka eftir því höfðum við keyrt út af veginum og trillað áfram heila 50 metra!! Þar festum við okkur svo! Ég segi nú bara, ef maður ætlar að vera að keyra útaf á annað borð þá er eins gott að gera það almennilega   Í fyrstu trúði mamma ekki að við værum svona langt frá veginum og fór út til að leita að stiku. Þegar hún kom aftur inn í bíl hringdum við í pabba sem hringdi í lögguna sem sagði að við ættum að hringja í þá. Við gerðum það. Löggan spurði hvort að við værum nokkuð í losti og sagði að aðalatriðið væri að vera bara róleg. Ég var nú bara ósköp róleg! Litli bróðir varð samt svolítið smeykur... Greyið Allavegana! Löggan gaf nærstöddum björgunarsveitarbíl upp staðsetningu okkar og þeir komu eins og skot. Þeir Stöðvuðu bílinn sinn upp á veginum og tveir þeirra komu hlaupandi niður í móa til okkar. "Hvernig komust þið hingað?" Spurði hann steinhissa! "Ég eiginlega bara veit það ekki" svaraði mamma. Þar sem við vorum allt of langt frá veginum var engan veginn hægt að draga bílinn upp aftur þannig að björgunarsveitarmennirnir þurftu að keyra okkur í bæinn! Bíllinn var svo skilinn eftir og var sóttur í gær! ´

Á gamlárskvöld ætlaði ég sko að vera aðalljósmyndarinn á svæðinu og festa fjörið á filmu! Því miður varð lítið úr því því að batteríið í myndavélinni kláraðist áður enn ég náði að taka 10 myndir  Ég ætla samt að setja afraksturinn hérna til hægri undir 'myndir' Ég lofa að standa mig betur á næsta skralli og vera með fersk batterí í vélinni!